ବର୍ଷ ୨୦୨୦ରେ କରୋନା ଭୂତାଣୁ ସମଗ୍ର ବିଶ୍ବକୁ ଆତଙ୍କିତ କରି ରଖିଥିବା ସମୟରେ ମୋ ସହ ଏମିତି
କିଛି ଘଟଣା ଘଟିଗଲା ଯାହା ଏବେ ବି ମନେ ପକାଇଲେ ମୋ ରୋମ ଠିଆ ହୋଇଯାଏ ଲକଡାଉନ୍ ସମୟର ଏହି ଘଟଣା
ମୋ ଜୀବନରେ ଅନେକ ପରିବର୍ତ୍ତନ ନେଇ ଆସିଥିଲା
ଲକଡାଉନ ସମୟରେ ଘରୁ ବାହାରିବାକୁ ମନା କରି ଦିଆଯାଇଥିଲା, ତେଣୁ ଅଧିକାଂଶ ସମୟ ଘରେ ହିଁ ବିତୁଥିଲା ସନ୍ଧ୍ୟାବେଳେ ମୁଁ ଆମ ଆପାର୍ଟମେଣ୍ଟ୍ ଉପର ଛାତରେ
ଇଭିନିଂ ୱାକ୍ କରେ ସେଦିନ ବି ମୁଁ ସନ୍ଧ୍ୟାରେ ଛାତ ଉପରକୁ ଯାଇଥିଲି ଅନେକ ଲୋକ ଥାଆନ୍ତି ବୋଲି
ମୁଁ ଟିକେ ବିଳମ୍ବରେ ଯାଏ ଯେତେବେଳେ କେହି ନଥିବେ ସେଦିନ ବି ଅନ୍ଧାର ହୋଇ ସାରିଥିଲା ମୁଁ ଛାତ
ଉପରେ ୱାକ୍ କରୁଥିବା ସମୟରେ ଛାତ ଉପର ଅନ୍ୟ ପାଖରୁ ଖଡଖଡ ଶବ୍ଦ ଶୁଭିଲା ଛାତ ଉପରେ ମୋ ବ୍ୟତୀତ
ଆଉ କେହି ଥିବା ଭଳି ଲାଗୁନଥିଲା ତେଣୁ ଏହି ଶବ୍ଦ କେଉଁଠୁ ଆସୁଛି ଦେଖିବା ପାଇଁ ମୁଁ ସେଇ ଆଡ଼କୁ ଚାଲିଲି
ସେ ପାଖରେ ଛାତ ଉପରେ ଡିଶ୍ ଆଣ୍ଟେନା ସବୁ ଲାଗିଥାଏ ମନେ ହେଉଥିଲା ବୋଧହୁଏ ବିଲେଇ କିମ୍ବା ମୁଷା
କିଛି ସେଇ ଢିଲା ଲାଗିଥିବା ଆଣ୍ଟେନା ଉପର ଦେଇ ଚାଲି ଯାଇଥିବ ତେଣୁ ଏଭଳି ଶବ୍ଦ ହେଉଥିଲା ମୁଁ ଆଉ
ସେ ଆଡ଼େ ବିଶେଷ ଧ୍ୟାନ ଦେଲି ନାହିଁ
କିଛି ସମୟ ପରେ ପୁଣିଥରେ ସେଇ ଶବ୍ଦ ଶୁଭିଲା ପୁଣି ଶବ୍ଦ ବହୁତ ଅଧିକ ଥିଲା ଲାଗୁଥିବା
କେହି ଜଣେ ଲୁହା ଚେୟାରକୁ ଘସି ଘସି ଛାତ ଉପରେ ନେଇ ଯାଉଛି ମୁଁ ପୁଣିଥରେ ସେଇ ଆଡ଼େ ଦେଖିଲି, ଅନ୍ଧାରରେ କିଛି ଦିଶୁନଥିଲା, ତେଣୁ ସେଇ ଆଡ଼କୂ ଯାଇ ଦେଖିବାକୁ
ନିଷ୍ପତ୍ତି ନେଲି ସେ ପାଖକୁ ଯାଇ ଦେଖେ ତ, ଡିଶ୍ ଆଣ୍ଟେନା କାନ୍ଥରୁ ବାହାରି
ପଡିଛି ଆଉ ଖାଲି ବାହାରି ନାହିଁ, ଲାଗିଥିବା ସ୍ଥାନରୁ ପାଞ୍ଚ ଫୁଟ୍ ଦୂରରେ
ପଡ଼ିଛି ସେଦିନ ଏତେ ପବନ ବି ହେଉନଥିଲା ତାହେଲେ ଡିଶ୍ ଆଣ୍ଟେନା ଏତେ ଦୂରକୁ ଆସିଲା କେମିତି?
ଡିଶ୍ ଆଣ୍ଟେନା ସେମିତିରେ ବି ଭାରି ଥାଏ, ଏହାକୁ ବିରାଡ଼ି
କିମ୍ବା ମୂଷା ଟାଣି ଟାଣି ଏତେ ଦୂରକୁ ଆଣିବା ସମ୍ଭବ ନୁହେଁ
ମୁଁ ମନେ ମନେ ଚିନ୍ତା କରୁଥିଲି, ଏହା କେମିତି ସମ୍ଭବ?
ଏଇ ସମୟରେ ସେ ଡିଶ୍ ଆଣ୍ଟେନା ପୁଣିଥରେ ହଲିବାକୁ ଲାଗିଲା ଆଉ ଦେଖୁ ଦେଖୁ ପାଖାପାଖି
ଦୁଇଫୁଟ୍ ଉଚ୍ଚକୁ ଉଠି ତଳେ ପଡ଼ିଲା ଏହା ଦେଖିବା ପରେ ମୋତେ ଭୟ ଲାଗିଲା ସାଙ୍ଗେ ସାଙ୍ଗେ ଗେଟ୍
କିପରକୁ ଫୋନ୍ କରି ଯେଉଁ ଫ୍ଲାଟର ସେ ଡିଶ୍ ଲାଗିଥିଲା ସେଇ ଫ୍ଲାଟ୍ ମାଲିକଙ୍କୁ ଛାତ ଉପରକୁ ଆସିବାକୁ
କହିଲି ସେ ଆସିବା ପରେ ସବୁ କଥା କହିଲି
ମୋ କଥା ଶୁଣି ସେ ବିଶ୍ବାସ କରିଲେ ନାହିଁ କାରଣ ପବନ ହେଉନଥିଲା ଆଉ ଡିଶ୍ ଆଣ୍ଟେନା ଆପେ
ଆପେ ଉପରକୁ ଉଠିବ କେମିତି? ଆପଣ ଅନ୍ଧାରରେ ଭୁଲ ଦେଖିଥିବେ ବୋଲି ସେ କହୁଥିବା
ସମୟରେ ସେଇ ଡିଶ୍ ପୁଣିଥରେ ଆମ ଦୁଇଜଣଙ୍କ ସମ୍ମୁଖରେ ହିଁ ଉପରକୁ ଉଠି ତଳେ ପଡ଼ିଲା ଏହା ଦେଖିବା
ପରେ ସେ ବି ଡରିଗଲେ ଆଊ ଅଳ୍ପ ସମୟ ପରେ ଛାତ ଉପରେ ଗହଳି ହୋଇଗଲା ଲୋକଙ୍କୁ ଲାଗୁଥିଲା ନିଶ୍ଚୟ ଏହା
କୌଣସି ଭୌତିକ କାଣ୍ଡ
ସମସ୍ତଙ୍କ ସମ୍ମୁଖରେ ବି ସେଇ ଡିଶ୍ ସେମିତି ହଲୁଥିଲା ଆଉ ଉଠୁଥିଲା ପଡୁଥିଲା ପିଲାମାନେ
ଡରିବେ କହି, ବୟସ୍କ ମାନେ ମିଶି ସେଇ ଡିଶକୁ ଦଉଡ଼ିରେ ବାନ୍ଧିଦେଲୁ ଅନ୍ଧାର ହୋଇ ରାତି
ହେବାକୁ ଆସୁଥିଲା, ତେଣୁ ସକାଳୁ ହିଁ ଏହି ବିଷୟରେ କିଛି ନିଷ୍ପତ୍ତି ନିଆଯିବ
ବୋଲି କହି ସମସ୍ତେ ଛାତ ଉପରୁ ତଳକୁ ଆସିଗଲେ
ରାତିରେ ପ୍ରାୟ ଦେଢ଼ଟା ବେଳକୁ ଆପାର୍ଟମେଣ୍ଟରେ ସମସ୍ତେ ଶୋଇଥିଲେ ଆମ ଫ୍ଲାଟ୍ ଉପର ଫ୍ଲୋରରେ
ଥିଲା ରାତିରେ ହଠାତ ଶବ୍ଦ ହେଲା ସତେ ଯେମିତି ଛାତ ଉପରେ କେହି ଚାଲୁଛି ସେମିତିରେ ତ କେହି ଚଲାବୁଲା
କଲେ ଶବ୍ଦ ତଳକୁ ଆସେନାହିଁ, କିନ୍ତୁ ଏବେ ଏତେ ଜୋରରେ ଶବ୍ଦ ହେଉଥିଲା ଯେ ଲାଗୁଥିଲା
ସତେ ଯେମିତି କେହି ଜଣେ ଭାରି ଲୋକ ଚାଲୁଥିଲା
ଆମ ଘରେ ସମସ୍ତଙ୍କ ନିଦ ଭାଙ୍ଗିଗଲା ସେଇ ରାତିରେ ହିଁ ଆମେ ସାହାସ କରି ଛାତ ଉପରକୁ ଗଲୁ, ଦେଖିବା ପାଇଁ ଯେ ଛାତ ଉପରେ କିଏ ଅଛି! ହେଲେ ଉପରେ କେହିନଥିଲା କିନ୍ତୁ ଶବ୍ଦ ତ ହୋଇଥିଲା
ପୁଣି ସେ ଶବ୍ଦ ସମସ୍ତେ ଶୁଣିଥିଲେ ଛାତ ଉପରେ ଗୋଟିଏ ସ୍ଥାନରେ ଚୁନ ରଖାହୋଇଥିଲା ଆଉ ଯିଏ ବି ସେ
ରାତିରେ ସେଇ ଛାତ ଉପରେ ଚାଲିଥିଲା ତା ପାଦଚିହ୍ନ ଛାତ ଉପରେ ପଡ଼ିଥିଲା
ସେଇ ବିଶାଳ ପାଦଚିହ୍ନ ମନୁଷ୍ୟମାନଙ୍କର ଭଳି ଲାଗୁନଥିଲା ସନ୍ଧ୍ୟାର ଘଟଣା ମନେ ପକାଇ ଆମେ
ସେଇ ଡିଶ୍ ବନ୍ଧା ହୋଇଥିବା ସ୍ଥାନକୁ ଗଲା ବେଳକୁ ସେଇଠି ଡିଶ୍ ଆଣ୍ଟେନା ନଥିଲା ଆମେ ଭାବିଲୁ ବୋଧହୁଏ
କେହି ଅନ୍ୟ ଫ୍ଲାଟ୍ ମାଲିକ ସେଇ ଡିଶ୍ ଆଣ୍ଟେନାକୁ ତଳକୁ ଫୋପାଡ଼ି ଦେଇଥିବେ
ହେଲେ ପାଦଚିହ୍ନ ଆମକୁ ଡରାଇବା ପାଇଁ ଯଥେଷ୍ଟ ଥିଲା ଏତେ ବଡ଼ ବଡ଼ ପାଦ ଆମେ କେବେ ଦେଖିନଥିଲୁ
ରାତି ଅନେକ ହୋଇ ସାରିଥିଲା, ତେଣୁ ଯାହା ବି ହେବ, ସକାଳୁ ହିଁ ସମ୍ଭବ ବୋଲି ମନେ କରି ଆମେ ନିଜ ଫ୍ଲାଟକୁ ଫେରି ଆସିଲୁ ହେଲେ ମୋତେ ନିଦ ଆଦୌ
ଲାଗୁନଥାଏ ମନେ ମନେ ଭୟ ବି ଲାଗୁଥିଲା ଯେ ଆମ ଏଇ ଆପାର୍ଟମେଣ୍ଟର ଛାତ ଉପରେ କୌଣସି ଭୂତପ୍ରେତର
ଆତ୍ମା ବୁଲୁନାହିଁ ତ? ଆମର ଫ୍ଲାଟ୍ ସବୁଠୁ ଉପର ଫ୍ଲୋରରେ ଥିଲା,
ତେଣୁ ଭୟ ଅଧିକ ଲାଗୁଥିଲା ଏମିତି ଚିନ୍ତା କରୁ କରୁ ନିଦ ହୋଇଗଲା
ପରଦିନ ସକାଳୁ ସକାଳୁ ଆପାର୍ଟମେଣ୍ଟର ଅନେକ ଲୋକ ଛାତ ଉପରକୁ ଏକାଠି ହୋଇ ଗଲୁ ଦେଖିବା ବେଳକୁ
ରାତିରେ ବନ୍ଧାହୋଇ ରଖାଯାଇଥିବା ଡିଶ୍ ଆଣ୍ଟେନା ନିଜ ସ୍ଥାନରେ ହିଁ ପଡିଥିଲା ଆଶ୍ଚର୍ଯ୍ୟ ରାତିରେ
ତ ନଥିଲା ମୁଁ ଆମ ପରିବାରର ଅନୁଭୂତି ବିଷୟରେ କହିବା ପରେ ସମସ୍ତେ ନିଷ୍ପତ୍ତି ନେଲେ ଯେ ବୋଧହୁଏ
ସେଇ ଡିଶ୍ ଆଣ୍ଟେନାଟି ଅଭିଶପ୍ତ ହୋଇ ସାରିଛି ତେଣୁ ତାହାକୁ ନଷ୍ଟ କରିଦେବା ହିଁ ଏକମାତ୍ର ଉପାୟ
ପରେ କୌଣସି ବିପଦ ଆସିବା ଅପେକ୍ଷା ଏହାକୁ ନଷ୍ଟ କରିଦେଲେ ସବୁ ସମାଧାନ ହୋଇଯିବ ବୋଲି ଅନେକ ମତ ଦେଇଥିଲେ
ଆପାର୍ଟମେଣ୍ଟର ଜଗୁଆଳି ହାତୁଡ଼ି ନେଇ ଆସି ଡିଶକୁ ବାଡ଼େଇବାକୁ ଲାଗିଲା, ଏଇ ସମୟରେ କେଉଁଠୁ କେଜାଣି କଳାକଳା ରଙ୍ଗର କିଛି ପଦାର୍ଥ ଛିଟିକା ମାରି ବାହାରିଲା ଆଉ
ସେଥିରୁ ଉତ୍କଟ ଗନ୍ଧ ବି ହେଉଥିଲା ସେ ଯାହେଉ, ଦୁଇଜଣ ଜଗୁଆଳି ସାହାସ
କରି ସେ ଡିଶକୁ ହାତୁଡ଼ି ମାରି ମାରି ଭାଙ୍ଗିଦେବାପରେ ଆମ ଆପାର୍ଟମେଣ୍ଟରୁ ଦୂରକୁ ନେଇ ଖୋଲା ପଡ଼ିଆରେ
ଥୋଇଦେଇ ପେଟ୍ରୋଲ୍ ପକାଇ ନିଆଁ ଲଗାଇଦେଲେ
ତଥାପି ଲୋକଙ୍କ ମନରେ ଭୟ ରହିଗଲା ତେଣୁ କେହି ଛାତ ଉପରକୁ ଅନେକ ଦିନ ପର୍ଯ୍ୟନ୍ତ ଗଲେ ନାହିଁ ଅବଶ୍ୟ ସେଇ ଦିନ ପରେ ଆଉ ଛାତ ଉପରେ କୌଣସି ଶବ୍ଦ ଶୁଣିବାକୁ ମିଳିନାହିଁ ଲୋକମାନେ ବି ଉପରକୁ ଯାଉଛନ୍ତି
Subscribe to Our channel : https://www.youtube.com/@drjyotiprasad
Comments
Post a Comment